रात री ठंड मांय अलाव रे सहारा पाटे पर चर्चा

देवेन्द्रवाणी न्यूज़,बीकानेर। राजस्थान रा घणखरां जिला शीतलहर री फेंट मांय है। फेरू ईं दिन मांय तावडो निकळण ऊं लोगां ने आराम मिल रियो है। लारली रात रा तापमान मांय कमी दर्ज करी जाए री है। शहर रे घणखरां चौक में इण दिना अलाव रो ही सहारो है। परकोटे रे मांय लोग अलाव रे साथै चर्चा करे। अठे रात तक चौक रे पाटे पर बैठने री परम्परा ठंड में भी चालू है। पाटे पर ही लोह री कड़ाई में अलाव जगा गप्पामार मज़ा लेवे। खासकर मोहता चौक, हर्षों चौक, दम्माणी चौक, बैदों चौक, बड़ा बाजार, आचार्यों चौक साथै घणा ही जगहोँ पर रात लोग पाटे पर बैठा रेवे हैं। धरणीधर मैदान पर भी मित्र मंडली रात तक अलाव रे साथ बतियाता दिख जावे।